Posted in Philippine Politics

An Open Letter to Senator Tito Sotto

Mahal kong Tito Sen,

Kumusta po kayo? Namamanhid pa rin po ba?

Binulaga ako kanina ng balitang may nasabi na naman po kayong ang hirap hanapan ng linaw. Nakakainis naman eh. Tuwang-tuwa pa naman po ako noong isang araw dahil sa pinausad ninyong mga senador ang Mental Health bill. Tapos, ganito?

Mabalik po ako sa bumulagang balita tungkol sa inyo. Hindi pa rin po talaga kayo nadala eh, ‘no? Hindi ko na sasabihin kung ano ang sinabi ninyo. Kalat na po dito eh. Pero aaminin ko, napakamot po ako ng ulo doon. Matindi ka dun, Mr. Senator ha.

Ilang oras na ang nagdaan simula noong pumutok ang balitang ‘yan. Ilang oras na rin ang dumaan dahil sa pagbabasa ko ng mga artikulo tungkol sa nangyari na ‘yan. Hindi ko pa rin po lubos maisip kung pinag-aralan po ba ninyo nang mabuti ang mga binitawan ninyo.

Pabiro man o hindi, pero sige na nga, ibibigay ko po ang hiling ninyo. Sabihin na nating biro lang talaga iyon. May problema po ako dun eh. Actually, malaki. Hindi mo ‘ko napa-“acheche” dun eh. Seryoso.

Wala naman po sigurong masama kung magsiyasat ang komite ninyo tungkol sa personal na buhay ng isang tao lalo na’t nagsisilbi ito sa gobyerno at nag-a-apply sa bayan. Kayo, bilang interviewer at kinatawan namin, ay nabigyan ng pribilehiyo na maging maingat sa pagpili ng maglilingkod. Sinasang-ayunan ko ‘yan. Sabi nga po ng ilan sa inyo, “A public servant’s life should be an open book to his people.”

Pero Tito Sen naman. Para biruin ang isang babaeng naghanda upang sumagot sa mga tanong ng may dunong at dangal na walang ibang nais kundi ang maipagpatuloy ang nasimulan na programa ng sangay niya, nakakabastos naman po yata. Uulitin ko. Sobrang nakakabastos.

Yung pag-plagiarize mo nga, napalampas na po ng ilan sa amin eh. Tapos, ito na naman. Ganyan po ba talaga ang graduate ng Wanbol University?

Eh kung ‘yong anak po kaya ninyo na marangal at nagsisikap na nagtatrabaho para buhayin nang maayos ang apo ninyo ang sabihan na “na-ano” tapos biglang kakambiyo ng, “Joke lang ‘yon ha. Apir tayo. Suportado kita.” Baka kung ano po ang magawa mo. May history ka pa naman po.

Ang tanong ko ay ito lang naman talaga — hanggang dito na lang po ba tayo, Tito Sen? Ganitong uri ng diskurso na lang po ba talaga ang kaya nating ipakita? Ang babaw. Ang bastos. Ang sama. At take note, bago ko makalimutan, sa isang hearing sa senado ninyo pa sinabi ito. Hindi sa pelikula, lalong hindi sa Bulagaan. Sinabi po ninyo ito sa harap ng mahigit pa sa isang libo’t isang sumubaybay sa loob at labas ng venue. Walang tuwa. Walang nakakatuwa.

Hindi ako galing sa uri ng pamilya na tulad ng sa hiniya po ninyo, pero may malaking numero akong kilala at karamihan sa kanila ay kaibigan pa. Masarap silang pakinggan. Masarap makinig sa kwento nila. Makinig ka rin minsan, Tito Sen. Hindi puro patawa lang. Marami kang matututunan sa kanila. Isama mo na rin po sa maiging makinig ‘yong mga napanood kong tumawa sa joke mo.

Hindi mo naman mapapansin ito dahil mukhang hindi naman makakarating ‘to sa’yo. Pero susubok pa rin ako. May pahuling salita lang po akong gustong iwan dito.

Nakakahiya kami. Oo, Kami. ‘Wag ka na, kasi matagal ka na po dapat nabigyan ng ganoong pang-uri eh. Kami talaga ang nakakahiya dito — kaming nagluklok sa’yo bilang isang mambabatas. Wag mo naman kaming hiyain. Magpakitang-gilas ka naman po.

PS

Nirerespeto ko po kayo. Pansin niyo naman sa pangongopo ko, hindi ba? Inihalal ka namin eh. Pero Tito Sen, ayusin mo naman. Aanuhin po kita diyan eh.

Lubos na gumagalang,

Martin Kit J. Guzman

Mamamayan, Botante, at Kaibigan ng ilang single moms

Advertisements

Author:

Graduate of Psychology (Bachelor's Degree) Graduate of Counseling (Master's Degree) Licensed Counselor Filipino

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s